નાની અમથી વાર્તા પ્રવિનાશ

story

story

*********************************************************************************************************************************************************************

નાનપણમાં સાંભળેલી  પંક્તિઓ મનમાં ગુંજી રહી છે.

વાર્તા રે વાર્તા

ભાભા ઢોર ચારતા

એક છોકરું રિસાણું

કોઠી પાછળ સંતાણું

કોઠી પડી આડી

છોકરે ચીસ પાડી

અ ર ર ર માડી !

એ વાર્તાઓમાં હતું શિક્ષણ,  નિર્મળ આનંદ અને મસ્તી. આજે વાર્તા લખવાનું મન ઘણું થાય. ચવાયેલા એના એજ વિષયો. પતિ અને પત્ની વચ્ચે નો પ્રેમ ? બાળકોની ઉદ્ધતાઈ, આતંકવાદ, છૂટાછેડા કે પછી  ટી.વી. પર આવતી સાસુ વહુની શતરંજની બાજી જેવી જિંદગાની. દીકરીની ગાથા,જેમાં ભારોભાર અતિશયોક્તિ, દીકરાના ગુણગાન તેમાં રહેલું સત્ય પિછાનતા જણાશે કે આવું બને છે ખરું ?

ચાલો ખોટા વાદ વિવાદમાં નથી ઉતરવું. જીંદગીમાં આવું જ બને , તે સત્ય આજે સ્વિકારવું રહ્યું છતાં પણ એ જ માહોલમાં જીવવાનું છે એ હકિકત ને હસતે મોઢે આવકારવી રહી. એવું ન માનશો જે આજે બની રહ્યું છે તે નવિન છે! જે સદીઓ પહેલાં બનતું હતું તેનું  આજે પુનરાવર્તન થઈ રહ્યું છે. ફરક માત્ર એટલો કે તે ૨૧મી સદીના વાઘા પહેરીને આવ્યું છે. જો તે ઉતારીને નિહાળશો તો ‘નગ્ન સત્ય’ નજર સમક્ષ તરવરશે !

આજે વાર્તા લખવાના વિચારમાં એવી મગ્ન થઈ ગઈ કે બસ આ કમપ્યુટર પર આંગળી દિમાગ કરતાં વધારે તેજથી દોડી રહી.  હજુ આ વાતને ૨૪ કલાક પણ નથી થયા. આકાંક્ષાને જોઈ. રૂપની પૂતળી, નમ્રતાથી છલકાતી. મુખ પર મધુરું હાસ્ય રેલાવતી ટહૂકી.’આન્ટી જય શ્રી કૃષ્ણ’ . કેટલા વર્ષે મળી. તેના દેખાવમાં , બોલમાં અને આંખોના ભાવમાં ફરક નોંધી રહી. ક્યાં દસ વર્ષ પહેલાંની આકાંક્ષા અને ક્યાં નજર સમક્ષ ઉભેલી !

અરે, ‘બેટા તું અમેરિકા ક્યારે આવી ?’કોઈ ખબર પણ ન આપ્યા, પાછી મારા જ શહેરમાં’.?

‘આન્ટી, મમ્મી એ ખૂબ આગ્રહ કર્યો હતો તમને જણાવવા માટે પણ મારે તમને આશ્ચર્યમાં ગરકાવ કરી દેવા હતા.’

સારું દીકરા, જે આકાંક્ષા બોલતા શરમાતી હોય, મમ્મીના પાલવ પાછળ છુપાતી હોય તે આજે સડસડાટ શુદ્ધ ગુજરાતી બોલી રહી હતી. ભણી હતી અંગ્રેજી શાળામાં પણ ગુજરાતી ભાષાના પ્રેમે તેનું ગુજરાતી દિપાવ્યું હતું. આકાંક્ષાના લગ્નનું આમંત્રણ મળ્યું હતું. હું રહી ભૂલકણી, બેટા તારા પતિનું નામ , હજું હું વાક્ય પુરું કરે તે પહેલાં કહે હા, આન્ટી મનોજ છે.

મનોજ ડૉક્ટર અને આકાંક્ષા વકિલ . જુગતે જોડી હતી. હવે સામાન્ય રીતે બને છે તેમ બન્ને અમેરિકામાં ખુશ હોય તેમા શી નવાઈ ? સારી કમાણી હોય એ સ્વાભાવિક છે. મને થતું આ ‘બુઢ્ઢી’ આન્ટી તેને નહી ગમે ! મારી ધારણા ખોટી પડી. ઘરમાં દાદા, દાદી, નાના અને નાની હતાં. તેમનો પ્યાર પામેલી હતી. તેના દિલમાં પુખ્ત વયના લોકો માટે આદર અને પ્રેમ છલકતાં હતા.

મનોજ હતો ‘દિમાગનો ડૉક્ટર”. સાયકૉલોજીસ્ટ, બીજાનું મગજ વાંચી શકતો. બિમારને તો સાજા કરે તેમાં નવાઈ નહી. સાજાના મગજની વિકૃતિ પકડવામાં પણ કાબેલિયત ધરાવતો હતો. આકાંક્ષાએ તેના સુંદર સંસ્કારને  કારણે મનોજના મમ્મીનું દિલ જીતી લીધું હતું. તેમને અમેરિકામા કાયમ ગમે નહી. દર વર્ષે તેમની સાથે ત્રણ મહિના રહેવાનું ગમે. દિવાળીના દિવસોમાં બોલાવે. જેથી ઘર ભર્યું ભર્યું લાગે !

બન્ને પતિ પત્નીને બાળક જોઇતા ન હતા. મને આ વાતની ખબર પડી ત્યારે નવાઈ લાગી. ‘આન્ટી, દુનિયામાં કેટલા બાળકો છે. જેમને માતા પિતાનો પ્યાર તેમજ જરૂરિયાતની ચીજોનો અભાવો છે’.

‘અમે બન્ને એ નક્કી કર્યું છે  અમે બને તેટલા બાળકોને પ્યાર આપીશું. બનશે તેટલાને પ્રગતિના રાહે ચડવામાં મદદ કરીશું.અમારા પોતાના માતા પિતાની ઝોળી ખુશીઓથી છલકાવી દઈશું. આથી વધારે જીવનમામ શું અગત્યનું છે? તેના પતિનો આમાં સંપૂર્ણ સહકાર હતો. “જાણે સોનામાં સુગંધ ભળી”.

મારું તો મગજ ચકરાવે ચડી ગયું. આટલું બધું ડહાપણ અને ઉચ્ચભાવના આ ઢીંગલી ક્યાંથી લાવી હશે.’ મારી પાસે તેને હક્ક પૂર્વક ‘ઢીંગલી” કહેવાનો પરવાનો હતો. જ્યારે હું પરણીને સાસરે ગઈ ત્યાર પછી તેની માએ તેને જન્મ આપ્યો હતો. તેની માને મારા પર પ્યાર અને વિશ્વાસ બન્ને હતા. થોડા વર્ષોમાં અમે બાળકો સાથે અમેરિકા આવ્યા અને આજે એ ઢીંગલી મારી સામે ઉભી છે.

આને જો ‘વાર્તા’ કહેવાય તો આ છે મારી ‘નાની અમથી વાર્તા’ વાંચો  અને માણો  !

 

Advertisements

About pravina

Enjoy writing and social work. have loving family with God's grace.
This entry was posted in અવર્ગીકૃત. Bookmark the permalink.

One Response to નાની અમથી વાર્તા પ્રવિનાશ

  1. Deejay.Thakore. કહે છે:

    વાહ,સરસ વાર્તા કહી ઢીંગલી બહેનની.મઝા આવી ગઈ.

    Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s