જીંદગી પ્યારકા ગીત હૈ ( ૪) હેમા બહેન પટેલ

184075_491554977530419_1231385242_n
સામાન્ય રીતે એવું કહેવાય છે પ્રેમ આંધળો હોય છે. અહિંઆ તો બીના અને બકુલની વાત કંઈ જુદી છે. બંને એક બીજાને ખૂબ ચાહે છે. પરંતુ હજુ સુધી પ્રેમનો એકરાર નથી કર્યો! એવું લાગે જાણે તેમનો પ્રેમ મુંગો થઈ ગયો છે. હ્રદયમાં શબ્દો છે, તે શબ્દોને વાચા નથી આપી. ‘હું તને પ્રેમ કરું છું’, એ શબ્દો હજુ સુધી હોઠ પર નથી આવ્યા. બંને હવે હ્રદય અને આંખોની ભાષા સમજે છે . જો દિલને બરાબર સમજવું હોય તો દિલની અંદર જે શબ્દો વર્ષોથી દબાવીને રાખ્યા છે તે બહાર આવવા જોઈએ ! સાચે જ દિલની અંદર શું ચાલી રહ્યું છે તે વાચા વીના ન સમજાય. હ્રદયના ભાવો વ્યક્ત કરવા માટે તો પ્રભુએ આપણને વાચા આપી છે. બેમાંથી એક જણે પહેલ કરવી જ પડે. બંને મૌન સેવીને બેઠા છે. હરવા ફરવા  જાય છે. દુનિયાભરની વાતો કરે છે . પરંતું જે સૌથી અગત્યનુ છે તેમાં ચુપકીીદ સેવી છે. ભવિષ્યમાં તેના પરિણામ માટે બંનેએ તૈયાર રહેવું  પડશે. બંનેને ક્યાં ખબર છે કદાચ આ મૌન માટે કેટલી મોટી કિમત ચુકવવી પડશે. આપણે જાતે ન બોલીએ, તો બીજાને શું ખબર પડે અંદર દિલમાં શું ચાલી રહ્યું છે ?  પ્રિયતમને જ ન ખબર હોય તો પરિવાર  ક્યાંથી જાણતો હોય?   બાળપણથી સાથે મોટા થયાં છે. ગહન દોસ્તી સિવાય બીજું કંઈ નથી એમ માને. સાથે મોટા થયા હોવાથી એકબીજા માટે પ્રેમભાવ છે ? શંકાની દ્રષ્ટીએ કોઈ જુએ નહી.
બંનેના જીવનમાં બાલ્યાવસ્થા   દરમ્યાન   પ્રેમના અંકુર ફુટ્યા. બે પરિવાર વચ્ચેના ઘાઢ સંબધોએ દરેક સદસ્યને એક બીજા સાથે પ્રેમ અને લાગણીની દોરથી બાંધી દીધા .આત્મિયતા રૂપી આ ફળદ્રુપતામાં બીના અને બકુલના પ્યાર રૂપી અંકુર એક કળીમાંથી  ફુલ બની  મહેકી ઉઠ્યા. તેમના જીવનમાં  ખુશી અને આનંદ વ્યાપી રહ્યો છે. પ્યારની ભાવુકતામાં  બંનેએ રૂપ, રંગ ઉંમર કંઈ જોયું નથી. બસ પ્યાર થઈ ગયો છે.  જાણે આગલા જનમનુ કંઈ બાકી રહી ગયું હોય એમ ગાઢ સંબધ બંધાઈ ગયા છે. પ્રેમ રસ એવી લાગણી છે તેનાથી કોઈનુ મન ભરાતું નથી. જેટલો પ્રેમ કરો તેમાં વધારો થતો જાય છે. બીના અને બકુલ એક બીજાને અનહદ પ્રેમ કરે છે. ભલેને એકરાર ન થયો હોય બંને એક બીજા માટે જ જાણે બનેલા હોય એવું લાગે છે. ભવ ભવના બંધન બંનેને એક કરે છે કે નહી તે જોવાનુ છે ?!–more–>

રજાનો દિવસ છે. આજે બધા ઘરમા છે. સહુ રજાના મુડમાં છે. ગામમાં એક બ્રાહ્મણ પંડિત આવ્યા છે તે ફરતા ફરતા મહેન્દ્રભાઈને ઘરે આવી પહોંચ્યા. મીતાબેને ઘરની અંદર બોલાવીને બેસાડ્યા. કુતુહલ પૂર્વક બાળકો પણ આવીને બેસી ગયાં. મીતાબેને કહ્યું પંડિતજી મારી દિકરી બીનાની કુંડળી જોઈને તેનુ ભવિષ્ય બતાવશો ? આપને ખબર હશે માતા અનેપિતાને દિકરીની કેટલી ચિંતા હોય છે? ખાસ કરીને તેને સાસરીનુ સુખ કેવું હશે તેની ચિંતા સતત રહેતી હોય.પંડિતજીએ કહ્યું કુંડળીની જરુર નથી દિકરીનો હાથ જોઈને ભવિષ્ય બતાવીશ.
“ બીના બેટા અહિંયાં પંડિતજીની પાસે આવીને બેસ,એટલે તેમને હાથ જોવાનુ અનુકુળ પડે “
બીના પંડિતજીની નજીક જઈને બેઠી. તેમણે બીનાની હાથની રેખાઓનુ નિરિક્ષણ કરવા માંડ્યું. હાથની રેખાઓ બરાબર વાંચી લીધી પછીથી પંડિતજી બોલ્યા, બેન આપની દિકરી તો ગુણિયલ, હોંશિયાર અને બહુજ સમજ્દાર છે. માતા-પિતાની આજ્ઞા માનશે.પરિવારના સુખે સુખી અને પરિવારના દુખે દુખી. ભગવાને તેને રૂપની સાથે ગુણ આપ્યા છે. તેના લગ્નનો સમય નજીક આવી રહ્યો છે. પરદેશથી મુરતિયો આવશે, તે તમારી દિકરીને પરણીને પરદેશ લઈ જશે. તમારી દિકરી ત્યાં સુખેથી રાજ કરશે.
પંડિતજીએ બીનાને ખાસ વાત સમજાવી બેટા, જન્મ, લગ્ન અને મૃત્યુ ભગવાનના હાથમાં છે. દરેકની જોડી ઉપર બને છે. ઉપર વાળો જોડીયો બનાવીને આપણને મોકલે છે. બીજુ આપણા ભાગ્યમાં જે લખેલું હોય તે પ્રમાણે થાય, વિધીના લેખ કોઈ ટાળી ન શકે. દરેક મનુષ્યએ ભાગ્યમાં લખેલા વિધીના લેખ ભોગવવા પડે. તેમાંથી હજુ સુધી કોઈ બાકાત નથી રહ્યું. કોની સાથે, કયા જનમના કેટલાં અને કયાં લેણ દેણ ચુકવવાના હોય છે તે કોઈ નથી જાણતું. તેને ચુકવવા પડે છે માટે તો જુદી જુદી વ્યક્તિઓના સંપર્કમાં ભગવાન આપણને મુકે છે. જેથી તેનુ ઋણ અદા કરી શકીએ.પંડિતજી હસ્ત રેખાના પ્રખર જ્ઞાની હોવાથી તેમને બીનાના હાથની રેખાઓ જોઈ અને તેના જીવનનો ખ્યાલ આવી ગયો.
મીતાબેન અને મહેન્દ્રભાઈ પંડિતજીની વાત સાંભળીને ખુશ થઈ ગયા.પરંતું બીના વિચારે છે પંડિતજી ગપ્પાં મારે છે. બકુલ મારો મુરતિયો છે એતો અહિંયાં બેઠો છે.મીતાબેને પંડિતજીને જમાડીને દક્ષિણા આપી ખુશી ખુશી વિદાય કર્યા. બંનેને પંડિતજીની વાત સાંભળીને નિરાંત થઈ. ચાલો બીનાને સારુ સાસરુ મળશે અને તેને ઘરે સુખી રહેશે.મા-બાપને બીજું શું જોઈએ ?
એક દિવસ રાત્રી ભોજન પતાવીને બેઠા હતાં. મીતાબેને મહેન્દ્રભાઈને જણ્યાવ્યું આપણો સુખી સંસાર છે, પંડિતજીએ પણ સારા સમાચાર આપ્યા છે. મારી ઈચ્છા છે ઘરમાં પૂજા કરાવીએ, ભજન સાથેમહાપ્રસાદ લેવડાવશું.મહેન્દ્રભાઈ તરત બોલ્યા ચોક્ક્સ ગોઠવો, ધરમના કામમાં ઢીલ નહી. પ્રોગ્રામ નક્કી કરી દીધો.મીતાબેને ઘરમાં પૂજાનુ આયોજન કરીને સગાં સબંધી અને મિત્ર મંડળમાં આમંત્રણ મોકલ્યું. નક્કી કરેલા દિવસે પૂજા, ભજન અને પ્રસાદની મઝા સહુએ માણી. ભજનમાં નાના મોટા સૌ જોડાયા વાતાવરણ ભક્તિમય બની ગયું. બીના અને બકુલે પણ ભજન ગાયા. બીનાના સુરીલા અવાજે સૌને મુગ્ધ કરી દીધા.ખુશીનું વાતાવરણ છે, છતા બીના પંડિતજીના શબ્દો વાગોળ્યા કરે છે. તેને શંકા છે જો પંડિતજી સાચા હોય તો? પંડિતજીની ભવિષ્ય વાણી સાચી પડે તો ?બીજી જ ક્ષણે વિચારે છે, પંડિતજી કોઈ ભગવાન નથી તે કહે તે બધું સાચું હોય! બીનાનુ મન માનવા તૈયાર નથી. તેના પ્યાર પર તેને પુરો ભરોસો છે.
બંને પરિવાર વચ્ચે ઘાઢ સંબધ બંધાયેલા હતા. બાળકો પણ બહુજ હળી મળી ગયેલા હતા. બે અલગ અલગ પરિવાર હતા, લોહીની સગાઈ હતી નહી પરંતું સગા ભાઈઓ અને સગી બહેનો જેવું મમમ્ત્વ હતું.ચારે વચ્ચે સુખ-દુખની બધી વાતો થતી. સુખ-દુખમાં બંને એક બીજાને સાથ આપે છે.એક બીજાના પરિવારની ચિંતા સાથે મળીને કરે. મહેન્દ્રભાઈ અને મીતાબેને તોરલબેન અને શ્યામ ને વાતા કરી, કોઈ સારો છોકરો હોય તો મારી બીના માટે બતાવજો. અમારી ઈચ્છા છે બીના તેના સાસરે સુખી રહે. સારુ સાસરુ અને સંસ્કારી મુરતિયો જોઈએ છે.અજાણ્યામા પડીએ તો દિકરી દુખી થવાનો ભય રહે ? માટે જાણીતામાં થાય એવી અમારી ઈચ્છા છે.તોરલબેન તરત જ બોલ્યાં મીતાબેન તમે બંને બીનાની જરાય ચિંતા ના કરશો બીના મારી પણ દિકરી જેવી જ છે. મારી પણ ઈચ્છા છે તેને સારુ સાસરુ મળે.તોરલબેને બીનાની જન્મ કુંડલીની બધી વિગત અને ફોટો લઈ લીધો.શું ભણે છે, તેનો સ્વભાવ બધું તોરલબેનને ખબર છે.તેમાં તો કંઈ જોવાનુ નથી.
ઘરે જઈને તેમના ફોઈને લંડન ફોન જોડ્યો અને વિગતવાર બધું પુછી લીધુ, બીના માટે વાત ચલાવી બીનાની બધી વિગત આપી દીધી. અને કહ્યું ફોટા પોસ્ટ કરું છું જે તમને મળી જાય એટલે હું તમારા જવાબનો ઈન્તજાર કરીશ. તોરલબેને ખાસ કહ્યું આવી છોકરી દીવો લઈને શોધવા નીકળશો તો પણ નહી મળે. તોરલબેનના ફોઈએ સામેથી કહ્યું, મને મારી ભત્રીજી ઉપર પુરો ભરોસો છે. તે ગમે તેવી છોકરી મારા સૂર્ય માટે ના બતાવે. મારો સૂર્ય પણ લાખોમાં એક છે તે તૂ જાણે છે. તોરલબેને પણ કહ્યું ફોઈ આ છોકરી બીના પણ લાખોમા એક છે તેના જેટલા ગુણલા ગાઈએ એટલા ઓછા પડે, તેના માતા પિતા, આવું સંસ્કારી ખાનદાન શોધ્યું નહી મળે.
બે દિવસમાં તો તોરલબેનને જવાબ રૂપે લંડનથી ફોન આવી ગયો બધાને બીના ખુબજ પસંદ આવી છે. તોરલ તૂં આગળ વાત ચલાવ. અમને હવે ધીરજ નહી રહે.
એક દિવસ બકુલ અને બીના કૉલેજથી પાછા ઘરે આવ્યાં. બકુલ પણ સીધો બીનાને ઘરે જ આવ્યો તો તેઓએ ઘરની અંદર બંને પરિવારને સાથે બેઠેલા જોયા. બધા જ બહુ ખુશ દેખાતાં હતાં ત્યાંજ તોરલબેન બંનેને જોઈને બોલ્યાં આવ બીના હું તારીજ રાહ જોતી હતી કહીને તેને એક આલીંગન આપીને બોલ્યાં બીના હું આજે એકદમ ખુશ છું બીના તૂં મારા જ ઘરમાં આવવાની છું.
તોરલબેને જ્યારે બીનાને કહ્યું તૂં મારે ઘરેજ આવવાની છું, વાત સાંભળીને બીના શરમથી નત મસ્તક બની રૂમમાં ચાલી ગઈ તોરલબેનની વાતથી તેના શરીરમાં જાણે જોરમા વીજળી દોડી ગઈ,ગાલ પર લાલી છવાઈ ગઈ, આનંદ વિભોર મનનો મોરલો નાચી ઉઠ્યો.દિલની ધડકન તેજ થઈ ગઈ. કોઈ મને સંભાળી લો, મારો શ્વાસ અટકી જશે. તેની આંખોમાં એક અજીબ સી ચમક આવી ગઈ. તેણે રૂમની બારી જરા ખોલીને બકુલના ઘર તરફ એક નજર કરી જોયું , તેના સાસરીયાની કલ્પના કરવા લાગી વિચાર કરતાંજ દિલની અંદર રોમાંચ થયો અને શરમાઈને બારી બંધ કરીને પલંગ પર આવીને આડી પડી, શરમની મારી મલકતા મુખડાની ઉપર તકિયો મુકીને મૉ છુપાવતી વિચારોમાં ખોવાઈ ગઈ, જાગતી આંખે સુન્હેરા સ્વપ્ન જોવા લાગી.,સ્વપ્નની દુનિયામાં પહોચી ગઈ. સામે બકુલ ઉભો છે,શેરવાની ,માથે સાફો, પગમા ચમચમતી મોજડી, હાથમાં ફુલનો હાર બકુલને વરરાજાના રૂપમાં જોયો.પોતે દુલ્હનના રૂપમાં સજીને હાથમાં ફુલોનો હાર છે. તેણે પોતાનુ ડોકુ નીચું કર્યુ બકુલ હાર પહેરાવવા જાય છે ત્યાંજ કોઈએ તેના મૉઢા ઉપરથી તકિયો હઢાવ્યો બીનાએ સામે જોયું તો તોરરલબેન ઉભા હતા. તેની સ્વપ્નની દુનિયા જાણે છીનવાઈ ગઈ.મીઠુ-મધુર સ્વપ્ન જોઈ રહી હતી.બીના સ્વપ્નની દુનિયામાંથી બહાર આવી. તેના દિલ અને દિમાગમાં બકુલ સિવાય કોઈ હતું જ નહી. હજુ પ્રેમરસનો નશો ઉતર્યો નથી ત્યાં તો તોરલબેન બીનાની બાજુમાં બેઠા , વ્હાલથી તેને વાંસે હાથ ફેરવતાં બોલ્યાં મારી દિકરી સુખી થાય એવું હમેશાં ઈચ્છું છુ.તૂં મારી નજરમાં વસી ગઈ છે. બીના તો સાંભળતાં ખુશ થાય છે.જે સ્વપ્ન જોયાં છે તે સાકાર થવાનાં છે એવું વિચારવા લાગી.તોરલબેનની વાતો સાંભળી રાજી થાય છે ત્યાં તો તોરલબેને આગળ તેને કહેવા માંડ્યું
તોરલબેન –“ બીના લંડનમાં મારા ફોઈનો દિકરો સૂર્ય વેલ સેટલ છે, તેની સાથે તારા લગ્ન માટે વાત ચલાવી હતી, મેં તેઓને તારો ફોટો મોકલાવ્યો હતો તું બધાને બહુ જ પસંદ આવી છે. કેમ પસંદ ન આવે મારી દિકરી છે જ એટલી સુંદર અને ગુણીયલ. જોતાં જ પસંદ આવે એવી મારી દિકરી છે. તને કોઈ ના ન પાડી શકે”
બીનાને તો જાણે પગ નીચેથી ધરતી ખસી ગઈ, માથા ઉપર આસમાન તૂટી પડ્યુ હોય એમ તેને લાગ્યું. તેના સ્વપ્ન વેર વિખેર થઈ ગયાં, એક જ ઝટકામાં દિલના ટુકડે ટુકડા થઈ ગયા બીના સ્તબ્ધ બની ગઈ. મૉઢાની અંદર કહેવા માટે એક શબ્દ નથી. તેણે ધાર્યુ ન હતુ જીવનમાં આવી પણ પરિસ્થિતીનો સામનો કરવો પડશે. પોતે એકદમ ખામોશ થઈ પત્થર બની, શુન્ય બની સાંભળતી રહી. તોરલબેન સમજ્યાં શરમની મારી બીના કંઈ બોલતી નથી.તોરલબેનને ક્યાં ખબર છે, તેમણે હજાર વૉલ્ટનો શૉકનો ઝટકો બીનાને આપ્યો છે.
બકુલ પણ મમ્મીની વાત સાંભળીને ખુશ થયો, તે પણ સ્વપ્નની દુનિયામાં ખોવાઈને બીના સાથે સુખી દાંપત્ય જીવનની કલ્પના કરવા લાગ્યો. મીઠો અહેસાસ પણ હ્રદયને પુલકિત કરી દીધું. તેને ખબર નથી મમ્મીના મગજમાં શું છે અને બીનાને શું કહેવાની છે.
હજુ તો બીજા છોકરા સાથે પોતાના લગ્નની વાત ચાલી એટલામાં તો બીનાના જીવનમાં જાણે દુખનો પહાડ તૂટી પડ્યો, તે વિચારે છે પલ ભરમાં આ શું થઈ ગયું? મારી તો દુનિયા ઉજડી ગઈ, મેં શું વિચાર્યુ હતુ અને શું થઈ ગયું ? બીના તોરલબેનની વાત સાંભળીને પોતાની જાતને કોસવા માંડી, મારી જ ભુલ છે મેં કેમ કોઈને મારા અને બકુલના સબંધની વાત ન કરી. આ પરિસ્થિતી માટે બકુલ પણ એટલો જ જવાબદાર ગણાય તેણે પણ ક્યારેય અણસાર ન આવવા દીધો. અમે બંને કેમ મુંગા રહ્યા ? અમે બંને મુંગાં રહ્યાં પરંતું અમારા પરિવારને અમારા વડીલોને પણ આમારા બે માટે ક્યારેય વિચાર ન આવ્યો ? ચારેવ જણા દુનિયામાં છોકરો શોધવા નીકળ્યા છે આંખોની સામે જે છોકરો છે તે તેઓની નજરમાં નથી આવતો. અમે બંને કુલની મર્યાદા, અમારા સંસ્કારને કારણ બોલી ન શક્યા , પંરતું આ મોટાઓને શું થઈ ગયું છે.’બગલમાં છોકરું અને ગામમાં ઢંઢેરો પીટે’ એવી હાલત છે.તેઓને મારા માટે બકુલ દેખાતો નથી ? બીના તેની હૈયા વરાળ બહાર કાઢે છે પરંતું તેના માટે હવે બહુ મોડું થઈ ગયું છે.બંનેને મુંગા રહેવાની આ મોટી સજા મળી છે. તેમનુ ભાગ્ય કહો કે પછી સજા તેઓએ સ્વીકારવી જ રહી.
બીના ભગવાનને પુછવા લાગી હે પ્રભુ ચુપ રહેવાની આટલી મોટી સજા તેં આપી ? હું બકુલ વીના કેવી રીતે જીવી શકીશ ? બકુલ મારા હ્રદયમાં બેઠેલ છે તેનુ સ્થાન બીજાને કેવી રીતે અપાય ? બીજાને કેવી રીતે હું મારા હ્રદયમાં બેસાડી શકીશ ? હે ભગવાન મને માર્ગ બતાવજો. બીના પ્રાર્થના કરે છે ત્યાં જ તેને પંડિતજીના શબ્દો યાદ આવ્યા. બેટા ભાગ્ય્માં જે લખ્યું હોય તે દરેકે ભોગવવું પડે, તેમાંથી કોઈ બાકાત ન રહે. વિધીના લેખ કોઈ મિટાવી ન શકે., તો શું મારા ભાગ્યમાં બકુલ નથી ? હું તો માનતી હતી મારો અને બકુલનો પ્યાર જન્મો જનમનો છે, અને હું મહેસુસ પણ કરું છું અમે જન્મો જન્મના સાથી છીએ તો પછી બીજા સાથે દાંપત્ય જીવન ? એ કેવી રીતે શક્ય બને ? બીનાના મનની અંદર વિચારોનુ ઘમસાણ યુધ્ધ ચાલી રહ્યું છે. તે બકુલને પણ આ વાત કેવી રીતે કરી શકે, કેમકે એકબીજાને પ્યાર કરવા છતાં બંને આ વસ્તુ માટે અનજાન છે. બંનેએ એકરાર નથી કર્યો. બીના વાત કરે તો કોને કરે ? તેણે હવે આગળ જે બનવાનુ છે તેનો સ્વિકાર કરવા સીવાય છુટકો નથી. તેની પાસે બીજો કોઈ વિકલ્પ બાકી રહ્યો જ નથી .કાલે સવારે શું થવાનુ છે તે કોઈ નથી જાણતું !

Advertisements
This entry was posted in જિંદગી પ્યાર કા ગીત હૈ.. Bookmark the permalink.

2 Responses to જીંદગી પ્યારકા ગીત હૈ ( ૪) હેમા બહેન પટેલ

  1. Naresh K Dodia કહે છે:

    બીના ભગવાનને પુછવા લાગી હે પ્રભુ ચુપ રહેવાની આટલી મોટી સજા તેં આપી ? હું બકુલ વીના કેવી રીતે જીવી શકીશ ? બકુલ મારા હ્રદયમાં બેઠેલ છે તેનુ સ્થાન બીજાને કેવી રીતે અપાય ? બીજાને કેવી રીતે હું મારા હ્રદયમાં બેસાડી શકીશ ? હે ભગવાન મને માર્ગ બતાવજો. બીના પ્રાર્થના કરે છે ત્યાં જ તેને પંડિતજીના શબ્દો યાદ આવ્યા. બેટા ભાગ્ય્માં જે લખ્યું હોય તે દરેકે ભોગવવું પડે, તેમાંથી કોઈ બાકાત ન રહે. વિધીના લેખ કોઈ મિટાવી ન શકે., તો શું મારા ભાગ્યમાં બકુલ નથી ? હું તો માનતી હતી મારો અને બકુલનો પ્યાર જન્મો જનમનો છે, અને હું મહેસુસ પણ કરું છું અમે જન્મો જન્મના સાથી છીએ તો પછી બીજા સાથે દાંપત્ય જીવન ? એ કેવી રીતે શક્ય બને ? બીનાના મનની અંદર વિચારોનુ ઘમસાણ યુધ્ધ ચાલી રહ્યું છે. તે બકુલને પણ આ વાત કેવી રીતે કરી શકે, કેમકે એકબીજાને પ્યાર કરવા છતાં બંને આ વસ્તુ માટે અનજાન છે. બંનેએ એકરાર નથી કર્યો. બીના વાત કરે તો કોને કરે ? તેણે હવે આગળ જે બનવાનુ છે તેનો સ્વિકાર કરવા સીવાય છુટકો નથી. તેની પાસે બીજો કોઈ વિકલ્પ બાકી રહ્યો જ નથી .કાલે સવારે શું થવાનુ છે તે કોઈ નથી જાણતું !

    waah khoob saras story ne agad vadhari che….abhinandan Hemaben

    Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s